Deildarstjórar á námskeið í Jákvæðum aga

Sæl.

Það er gaman að segja frá því að fimmtudaginn 15.maí og föstudaginn 16.maí fara deildarstjórarnir á Vallarseli á námskeið í Jákvæðum aga.

En hvað er jákvæður agi?

Uppeldisstefnan Jákvæður agi byggir á sjálfsstjórnarkenningum, sem fela í sér að horft er á orsakir hegðunar fremur en t.d. að reyna að breyta hegðuninni með umbun og refsingu eins og lengi hefur tíðkast.  Jákvæður agi gengur út á að móta umhverfi í skólum, heimilum og vinnustöðum sem einkennist af umhyggju og byggist á gagnkvæmri virðingu, reisn, vinsemd og festu.

Jákvæður agi kennir félagsfærni og lífsleikni

• Meginreglur Jákvæðs aga hjálpa til við að byggja samband væntumþykju og virðingar og þær auðvelda að finna lausnir til frambúðar.
• Jákvæður agi byggir á kennslu, skilningi, hvatningu og samskiptum.

Börn verða ábyrgðarfull ef þau fá tækifæri til að þroska félagsfærni sína í gegnum lífsleikni í andrúmslofti virðingar, góðvildar og festu. Jákvæður agi byggir á því að börn þroski og efli með sér færni í að finna lausnir og setja sér mörk í samvinnu við fullorðna.

Stefnan er sett á að innleiða eftirfarandi uppeldisstefnu inn í Vallarsel með það fyrir augum að móta umhverfi í leikskólanum sem einkennist af umhyggju og byggist á gagnkvæmri virðingu, reisn, vinsemd og festu, öllum til farsældar, bæði börnum og starfsfólki.

Hérna er hlekkur á heimasíðu Jákvæðs aga Jákvæður agi