TÓNLIST / LEIKURINN

Almennt um tónlistaruppeldi í Vallarseli:

Við viljum stuðla að sem mestum alhliða þroska hvers barns og notum tónlistina sem "verkfæri" til þess. Við kennum í gegnum leikinn, þannig að börnin eru ekki endilega meðvituð um að það sé verið að kenna ákveðna hluti, þau upplifa skemmtilega tónlistarstund.  Reynt er að virkja sérhvern einstakling, þannig að allir fái sem mest út úr hverjum tíma.  Þjálfunin yfir vikuna er mjög mikilvægur þáttur í starfinu og leggur grunninn að því að hægt er að leggja inn nýja hluti,sem byggja ofan á það sem áður var þjálfað.  Lykilorðin í tónlistarstarfinu er fjölbreytni, gleði og gaman.  Viðfangsefni í tónlistarstarfi leikskólabarna á aldrinum 2ja-3ja ára.

Söngur:

Hreyfisöngvar.  Fjölbreytt val sönglaga sem tengist gjarnan líkamanum og reynsluheimi barnanna.  Reynt er að tengja það því sem verið er að vinna með í leikskólanum (þema) hverju sinni.

Þulur og nafnaleikir.

Hlustun: Leikir sem byggja á því að þekkja einföld hljóð og ólík.  Hlusta á tónlist og mjög stutt, fjölbreytt tóndæmi sem gjarnan eru tengd hreyfingu á einhvern hátt.

Hljóðfæri:

Hreyfileikir af ýmsu tagi þar sem "líkamshljóð"(t.d klapp og ásláttur á læri) eru notuð og/eða hljóðfæri.  Ásláttarhljóðfæri til að þjálfa tilfinningu fyrir púls og því að spila á slagverk í hópi.  Mikilvægt að kenna hvenær á að bíða og hvenær má spila (stoppleikir).  Viðfangsefni í tónlistarstarfi leikskólabarna á aldrinum 4ra-5 ára.  Áfram unnið með sömu atriðið og á aldrinum 2ja - 3ja ára en byggt ofan á, frá hinu einfalda til hins flóknara.

Söngur:

Hefðbundin þjóðlög, bæði íslensk og erlend, hreyfisöngvar og söngvar með flóknari textum.  Meiri undirleikur við sönginn en áður og stundum samþætt með undirleik barnanna sjálfra.  Hreyfisöngvar áfram mikilvægir.

Hlustun:  Læra að þekkja lík og ólík hljóð.  Markvissari hlustun til að kynnast ólíkum hljófærum og söngvurum.  Hlustun m.a. notuð til að kenna grunnhugtök í tónlist.  Lengri tóndæmi af geisladiskum.  Hlustun ekki endilega tengd hreyfingu.

Hljóðfæri:  Markvissari notkun ásláttarhljóðfæra, lengri þrástef (3-4 tónar). Markvissari rytmaþjálfun, kennt að þekkja muninn á púls og hryn.  Klapp Stapp. Heimsóknir kennara úr Tónlistarskólanum til hljóðfærakynningar.

Leikurinn:

Í leiknum tjáir barnið tilfinningar sínar og fær útrás fyrir þær.  Leikurinn er sjálfstjáning barnsins og besta leiðin til þroska og þekkingar.  Barnið aflar sér reynslu og dýrmætrar upplifunar í leiknum.  Hann greiðir fyrir vexti og þroska.  Það er fyrst og fremst í leik sem börn eignast vini.  Leikurinn er kennluaðferð í leikskólastarfinu og námsleið barnsins.
Hann er eðlilegasta lífstjáning allra barna.