Það er þétt net af samstarfsaðilum í kringum sérkennsluna í Vallarseli, líkt og í öllum leikskólum Akraneskaupstaðar.

Sálfræðingar:

Við höfum aðgang að tveimur sálfræðingum sem sinna sitt hvoru skólahverfinu, þ.e. Birgir Þór Guðmundsson, sálfræðingur í Brekkubæjarskóla og Sigurveig “Sivý” Sigurðardóttir, sálfræðingur í Grundaskóla. 

Iðjuþjálfi:

Við leikskólann starfar iðjuþjálfi, Sigríður Kristín Gísladóttir. Hún þjónustar meðal annars börn í leikskólum bæjarins og er staðan greidd að hluta til af Akraneskaupstað.  Markmiðið með iðjuþjálfun er að ýta undir þátttöku og færni barna við ýmis dagleg viðfangsefni sem tengjast m.a. eigin umsjá, leik og námi.  Áhersla er lögð á samvinnu iðjuþjálfa við barnið, fjölskyldu þess, starfsfólk leikskóla og aðra fagaðila eftir því sem við á hverju sinni og er stefnt að því að þjónustan fari að mestu fram í leikskólaumhverfinu.

Talmeinafræðingar:

Bergljót Ólafsdóttir, talmeinafræðingur starfar hjá Akraneskaupstað. Hún á fasta tíma í Vallarseli og getum við leitað til hennar til greiningar og ráðgjafar. 

Sjúkraþjálfi:

Elísabet Kristjánsdóttir, sjúkraþjálfi tekur þau börn í þjálfun sem eru með beiðni upp á slíkt og eru þær stundir teknar í sal leikskólans.

Greiningar-og ráðgjafarstöð Ríkisins:

Sigrún Hjartardóttir, einhverfuráðgjafi á fagsviði einhverfu hefur komið reglulega á netfundi í leikskólanum og fylgir eftir sínum skjólstæðingum. þeim ferðum hefur þó fækkað.

Svæðisskrifstofa málefna fatlaðra Vesturlandi:

Arnheiður Andrésdóttir, sviðsstjóri barnamála vinnur náið með okkur og þeim fjölskyldum sem þurfa á að halda. Hún situr á netfundum með okkur.