4. júní 2010 08:19

Skemmdarverk.

Það var ljót aðkoman að skólanum okkur í gærmorgun fimmtudag, þegar börn og starfsfólk kom til starfa.  Búið var að brjóta tvær stórar rúður og sígarettustubbar og brunablettir út um alla lóð og hland í flöskum.  Það er ótrúlegt að hugsa sér að einhver hafi smekk fyrir slíku.  Við hvetjum okkar góðu nágranna til að láta vita um allar ferðir, sem vekja grunsemdir í garðinum, til lögreglu.  Skólinn og lóðin í kring er eign okkar allra og við eigum ekki að láta bjóða okkur slíka hegðun.  Fyrir lítil börn er áfall að koma að skólanum sínum svona og upplifa að einhver vilji skemma og eyðileggja staðinn sem þau eru á meirihlutann af sínum vökutíma.  Við vonum svo sannarlega að enginn tengdur börnunum í skólanum hafi gert sér þetta að leik.