6. febrúar 2012 10:41

Góður dagur - Dagur leikskólans

Áðan fórum við, ásamt öllum hinum leikskólunum, í göngutúr að Stjórnsýsluhúsinu í tilefni Dags leikskólans. Þar tók bæjarstjóri, ásamt öllu starfsfólki bæjarskrifstofunnar á móti okkur. Við sungum tvö lög og afhentum svo plaggat sem gefið var út í tilefni dagsins, en á því eru gullkorn frá leikskólabörnum sem minna okkur á hvað lífið með börnum er dásamlegt.

Bæjarstjóri sagði í ávarpi sínu hve mikilvægt það er að eiga metnaðarfulla og faglega leikskóla og minnti á það frábæra starf sem í þeim er unnið.

Það er fátt sem stöðvar leikskólabörn og starfsfólk í starfi sínu eins og sést best í dag að fara með allan skarann í göngu í hífandi roki.

meira...

3. febrúar 2012 01:10

Dagur leikskólans 6.febrúar

N.k. mánudag 6.febrúar verður dagur leikskólans haldinn hátíðlegur í öllum leikskólum landsins. Þessi dagur er samstarfsverkefni Félags leikskólakennara, Félags stjórnenda leikskóla, Sambands íslenskra sveitarfélaga, mennta- og menningarráðuneytisins og Heimilis og skóla.

Þetta er merkisdagur í sögu leikskólanna og ber að minnast frumkvöðlanna sem árið 1950 stofnuðu fyrstu samtök leikskólakennara á Íslandi. Það er því vel við hæfi að minnast hans, kynna starfsemi skólanna og þess mikilvæga starfs sem þar er unnið.

Allir leikskólarnir á Akranesi ætla sameinast um að minna á sig og munum við fara í skrúðgöngu að ráðhúsinu kl 9.30. Morguninn endum við svo á söngstund í salnum kl. 11.30.

meira...

30. janúar 2012 10:57

Tannverndarvika

Í dag er fyrsti virki dagur tannverndarviku sem Lýðheilsustöð stendur fyrir, en hún hófts í gær. Þema vikunnar að þessu sinni tengist sykri og sykur- og sælgætisneyslu. Við munum vinna á margvíslegan máta þessa viku í verkefnum sem koma inn á tannvernd. M.a. fara í heimsókn til tannlækna, vinna verkefni heima í skóla, grænmetisbakki verður í boði á föstudag o.fl. Ekki er of oft kveðið á um það að gæta að sykur- og sælgætisneyslu barna, sem í dag er komin út fyrir öll skynsamlega mörk.

meira...

20. janúar 2012 01:48

Bóndadagur - Þorri byrjar

Í dag er fyrsti dagur í Þorra, Bóndadagur. Við minntumst dagsins í söngstund í morgun og hádeginu þar sem boðið var upp á grjónagraut með slátri ásamt "léttu" þorrasmakki. Allir voru búnir að gera sér viðeigandi höfuðskraut og matarborðin voru skreytt við hæfi.

meira...

13. janúar 2012 11:02

Fréttabréf janúar.

Út er komið fréttabréf janúarmánaðar þar sem gefur að líta það sem er á döfunni hjá okkur þá ásamt praktískum atriðum.

meira...

12. janúar 2012 02:33

Símkerfið komið í lag

Símkerfið í skólanum er nú komið í lag. Við vonum að ekki hafi skapast mikil óþægindi á með það lá niðri.

meira...

9. janúar 2012 09:52

Skemmtileg heimsókn.

Í morgun fengum við skemmtilega heimsókn, þegar Snorri Guðmundsson dýraeftirlitsmaður Akraneskaupstaðar kom í heimsókn í skólann og fræddi börnin um umgengi við hunda. Þetta er frábært framtak og full þörf á að fræða og ræða við börnin reglur og umgengni í sambandi við hunda.

meira...