Stekkur skólaárið 2011-2012   Árgangur 2007

Á Stekk eru börn fædd árið 2007.  Þau hafa breytilegan vistunartíma en grunnvistunartími leikskólans er frá átta til tólf og eitt til fimm.  Skólaárið 2008-2009 verða 23 börn á deildinni, 11 stelpur og  12 strákar. Stöðugildi starfsmanna deildarinnar reiknast út frá fjölda barna ár hvert, sérkennslu svo og undirbúningstímum.  Í vetur verða starfsmenn deildarinnar:

·        Íris Guðrún Sigurðardóttir deildarstjóri í 100% stöðu

·        Jónína Rafnar  aðstoðar leikskólakennari í 100%  stöðu

·        Guðrún Guðmundsdóttir leiðbeinandi í 100% stöðu

·        Margrét Aradóttir ( Gréta) stuðningsfulltrúi í 80% stöðu

         Drífa Sjöfn Hákonardóttir leysir af undirbúning á mánudögum.

Fastir starfsmenn deildarinnar hafa eftirfarandi viðveru:

·    100% stöður hafa viðvera frá kl. 07:45-15:30/08:15-16:00/8:45-16:30

·    70% staða viðvera frá kl. 8:00-14:00

Starfið í vetur:

Í daglegu starfi er áhersla lögð á að efla sjálfstæði barnanna og sjálfshjálp í öllum daglegum athöfnum. Á matmálstímum skammta börnin sér sjálf mat á disk eftir getu, smyrja  og læra að nota hnífapör þ.e. hníf og gaffal. Þau eru þjónn dagsins en í því felst að leggja á borð og undirbúa matmálstíma með hjálp starfsmanns.  Í fataherbergi að öðlast færni í að klæða sig í og úr og ganga frá fatnaði í hólf. Að fara sjálf á salerni og þvo hendur á eftir sem og eftir útivist. Einnig leggjum við mikla áherslu á félags og samskiptaþroska með því að eiga góð og gefandi samskipti þar sem almenn kurteisi, tillitssemi og hjálpsemi við náungann eru höfð að leiðarljósi. Síðast en ekki síst leggjum við áherslu á að börnin verði virkir, gagnrýnir og hugsandi einstaklingar í lýðræðisþjóðfélagi sem bera virðingu fyrir sjálfum sér og umhverfinu.

Ritmál:

Ritmál er gert sýnilegt á deildinni með því að merkja svæði, leikefni og annað sem einhvern tilgang hefur að merkja. Ritmál er eðlilegur þáttur í heimi barns. Það er alls staðar í umhverfinu t.d. á götu- og auglýsingaskiltum, bókum og blöðum svo eitthvað sé nefnt. Barn lærir hvernig ritmálið virkar þegar það sér fullorðna bregðast við ritmálinu og lesa. Það að skilja að prentað mál hefur merkingu er fyrsta stigið í að læra að lesa og skrifa þ.e. myndun læsis.

Stærðfræði:

 Inn í allt leikskólastarf flettast stærðfræði, meðvitað og ómeðvitað.  Þegar barnið kubbar, spilar, púslar og perlar er það að vinna með stærðfræði. Þegar barnið er þjónn og leggur á borð ásamt starfsmanni kemur stærðfræði við sögu: hversu margir sitja við þetta borð? Hvað þarf þá marga gaffla, hnífa, skeiðar, diska, glös eða þessháttar. Í vali, hvað eru margir búnir að velja á undan þér, er þá laust pláss? Og svo framvegis.

Í daglegu starfi á Stekk er markvisst unnið með stærðfræði með börnunum og þau þjálfuð í að öðlast tilfinningu fyrir tíma og rúmi.

Samveru og sögustundir:

 Samverustundir eru tvær yfir daginn, fyrir hádegisverð og nónhressingu og sögustund eða hvíld eftir hádegisverð. Í þessum stundum leggjum við áherslu á að hver og einn einstaklingur fái að njóta sín með því að fá að tjá sig um líðan sína, hugsanir og tilfinningar og að aðrir sýni þá tillitssemi að vera virkir hlustendur og hlutaðeigendur. Í sögustund eða hvíld sem er eftir hádegisverð er markmið okkar að þjálfa með börnunum færni í að hlusta og einbeita sér, fylgja söguþræði og  svara einföldum  spurningum úr texta. Í samverustundum leggjum við áherslu á söng og verðum að auki með hljóðfæravinnu og í stundinni fyrir nónhressingu  skrifum við í dagbók með börnunum þar sem rifjaðir eru upp helstu þættir dagsins. Með því að lesa dagbókina geta foreldrar enn betur fylgst með því sem börnin hafa haft fyrir stafni í leikskólanum yfir daginn og þannig eflt enn frekar samstarf heimilis og leikskólans. 

Leikur:

 Leikurinn í allri sinni fjölbreytni er kjarninn í uppeldisstarfinu á Stekk. Leikurinn er hornsteinn leikskólastarfsins og ein mikilvægasta náms- og þroskaleið barnanna. Við höfum svokallað körfuval á Stekk. Í því felst að hafa ljósmyndir af börnunum og  því leikefni sem í boði er. Hvert leiksvæði (stofa) á sér körfu í ákveðnum lit og geta fimm börn valið í hverja körfu. Með þessu verður valið rammi utan um leikinn, þ.e. hægt er að stjórna álagi á hvert leiksvæði hverju sinni og jafnframt að bjóða upp á fjölbreyttan efnivið.

Börnin geta valið um hvað þau vilja leika og við hvern og valkerfið er þeim sýnilegt.

 Námsvið leikskóla:

Í Vallarseli er unnið með öll námssvið leikskóla þ.e. hreyfingu, málrækt, myndsköpun, tónlist, náttúru og umhverfi og menningu og samfélag og að auki með félagsfærninámsefnið Stig af stigi og heimspeki, en tónlist og heimspeki eru rauði þráðurinn í uppeldisstarfi Vallarsels.

Á Stekk verður unnið með ofangreind námsefni í skipulögðu hópastarfi en í vetur verður börnunum skipt í þrjá hópa í heimspeki og  í málörvun en í stig af stigi, tónlist og hreyfingu skiptast þau í tvo kynjablandaða hópa.

Áhersluþættir í uppeldisstarfinu á Stekk:

Félagsfærni sem Jónína sér um ásamt því að hinar konurnar rúlla með henni inn. Þar er unnið með  námsefnið Stig af stigi. Börnin eru þjálfuð í innlifun sem þýðir að viðurkenna og ráða í tilfinningar annarra með því að læra að sýna öðrum tillitssemi og læra að setja sig í annarra spor.

Hreyfing sér Gunna um.  Áhersla er  lögð á að börnin læri að fara eftir munnlegum fyrirmælum, læri einfaldar reglur og það að taka tillit til annarra. Einnig að efla hreyfigetu þeirra, styrk, þol og úthald.  Börnin mega gjarnan hafa íþróttaföt (stuttbuxur og bol) meðferðis í leikskólann sem þau klæðast í hreyfingu.

Málörvun sem Jónína sér um en fær konu með sér inn.  Unnið verður með námsefnin Markviss málörvun og Ljáðu mér eyra auk heimatilbúinna verkefna. Áhersla er lögð á að efla hlustun, einbeitingu, eftirtekt, frumkvæði, tjáningu, hugtakaskilning og það að fara eftir munnlegum fyrirmælum allt í gegnum leikinn. Kenndar verða þulur og úrtalningarþulur og unnið með fyrstu tvo leikjaflokkana þ.e. hlustun og rím.

Heimspeki sem Íris sér um. Í heimspeki er verið að skoða og rannsaka málin frá öllum hliðum með því að nota opnar spurningar. Með því eru börnin hvött til að átta sig á margbreytileikanum. Í vetur verður eldri börnin með lagið Krúsilíus eftir Aðalstein Ásberg Sigurðsson og Önnu Pálínu Árnadóttur. 

Tónlist sem starfsmenn deildarinnar skipuleggja og stjórna. Áhersla verður lögð á  vinnu með hljóðfæri, hlustun, söng og leiki með það að markmiði að börnin öðlist tilfinningu fyrir púls, hrynhreyfingu og hugtökum tónlistar.  Íris er tónlistastjóri hjá Stekk.

 Þemavinna:

 Börnin vinna að árstíðarbundnum verkefnum  sem tengjast náttúru og umhverfi, menningu og samfélagi. Farið verður í vettvangsferðir þar sem við söfnum m.a. efnivið sem við notum í skapandi starfi þegar við eigum okkar viku í Listasmiðju. 

Í vettvangsferðum er megin áhersla lögð á að umgangast náttúruna af ábyrgð og virðingu, skoða áhrif árstíða á náttúru og umhverfi  og styrkja tengsl og skilning barnanna á samfélaginu og menningu þess.  Ennfremur  vinnum við með umferðarreglur og styrkur og þol barnanna eflist.

 Dæmi um ferðir:

Rafveituskógurinn: Safna efnivið úr náttúrunni

Berjatínsla: Tína rifsber, sultugerð

Skógræktin: Taka upp kartöflur, safna efnivið úr náttúrunni

Langisandur: skoða mismun á flóði og fjöru, ýmsir leikir eins og leika okkur við ölduna og fl.

Kalmansvík: safna efnivið úr náttúrunni

Safnasvæðið á Akranesi: fræðast um lífshætti fyrr og nú

Gönguferðir um nágrenni leikskólans: umferðarfræðsla, skoða bæinn okkar, fræðast um hvað er þarna og hvar átt þú heima og svo fr.

OG SVO MARGT, MARGT FLEIRA SEM OKKUR DETTUR Í HUG Í VETUR

Það sem gott er að hafa í huga :

·  Að yfirfara töskur barnanna reglulega.  Við mælum með því að fara yfir aukabúnað barnanna um hverja helgi. Ef barnið blotnar eða eitthvað kemur upp á að koma strax með ný aukaföt J

·  Að leikskólinn er vinnustaður barnanna og þess vegna verða þau að vera klædd þannig að þau geti tekið þátt í öllu starfi deildarinnar.

·  Merkja allan fatnað.  Þá aukast líkurnar á því að allt komist til skila. 

·  Láta vita um allar fjarvistir barnsins eins og veikindi eða frí.

·  Að drepa á bílnum þegar þið komið með barnið í leikskólann., þannig minnkum við mengunina í umhverfi barnanna okkar

·  Vinsamleg tilmæli til ykkar foreldra að ganga í gegnum inngang þeirrar deildar sem ykkar barn dvelur á við komu og brottför, það kemur í veg fyrir óþarfa truflun í leik og starfi annarra barna í Vallarseli

Með von um gott samstarf

Íris, Jónína, Gunna og Gréta