Nýjar myndir settar inn 19. jan

 

Það eru komnir inn söngtextar undir liðnum heimspeki og tónlist.

 

Velkomin á heimasíðuna okkar

 

Börnin á Jaðri haust 2011

 

 

9. – 20 janúar

 

Snorri hundaeftirlitsmaður kom í heimsókn með tvo hunda þá Barón og Mugg.

Gústi varð 3 ára og bauð upp á ís í tilefni dagsins.

Þessa daga hafa verið mikil veikindi á deildinni og suma daga því verið ansi fámennt.

Við nutum góðs af því í tónlistartímanum þar sem allir fengu að spila á hljóðfæri af fingrum fram.

Við höfum líka verið að búa til víkingahjálma sem við ætlum að skarta í samsöng á morgun 20 jan.

Við fáum líka að smakka þorramat á morgun í tilefni þorrans.

 

 

 

 

 

 

 

 

Vikan 2 - 6 jan

 

Heil og sæl! Við tókum því frekar rólega þessa vikuna. Lékum okkur bæði úti og inni. Föstudaginn vorum við bara inni vegna hálku.

 Við gerðum hatta fyrir þrettándabrennuna.

Mariusz varð 3.ára 6. jan og bauð okkur upp á ís í tilefni dagsins.

Á föstudagin var síðasta jólastundin okkar í salnum.

 

 

Karina 2 ára  og                                                                   Mariusz 3 ára

 

Vikan 19 des – 27 des

 

Heil og sæl þessi vika byrjaði frekar rólega hjá okkur. En þegar líða tók á vikuna þá var meira um að vera. Á fimmtudag var Daníel með kveðjuveislu því hann hættir hjá okkur um áramót vegna flutninga. Hann bauð upp á ís, popp og mynd til að horfa á.

Á föstudag fórum við í strætóferð um bæinn í boði pabba hennar Ester Guðrúnar. Við sáum jólaljós, jólasveina o.fl. Mesta fjörið var þó að vera í strætó.

Á þriðjudag átti Rúnar bróðir hennar Esterar afmæli og bauð öllum sem mættir voru á Jaðar alls 6 börn yfir á Lund í afmælisveislu. Þar fengum við ís.

 

 

 

 

 

 

 

 

 

 

 

     

Vikan 12 -16 des.

 

Af okkur er allt gott að frétta, við höfum verið dugleg að leika okkur ásamt því að jólast.

Á miðvikudaginn bauð Lundur okkur að sjá helgileik um fæðingu jesú sem var mjög flott hjá þeim.

Það var líf og fjör á jólaballinu okkar á föstudaginn, en við fengum nokkra unga sveinka úr Grundaskóla í heimsókn

og svo kom hann Skyrgámur alvörujólasveinn. Sem flest börnin á Jaðri voru frekar hrædd við.

Hann söng og dansaði með okkur í kringum jólatréð og allir fengu pakka frá honum. Í hádeginu borðuðum við svínasteik með brúnuðum kartöflum, grænum baunum, rauðkáli og brúnni sósu og fengum jólaöl, nammi, namm.

 

Helgileikur á Lundi                                                     Skyrgámur Stína,Sammi og Ragnar

Vikan 5.des – 9. des

Vikan var í rólegri kantinum hjá okkur. Mikil veikindi voru á börnunum. Á miðv og fimmtudag vantaði helmingin af börnunum.  

Á þriðjudag æfðum við fyrir jólahátíðina og tókum æfinguna upp.

Á fimmtud var jólahátíðin okkar og það leit ekki vel út með mætingu á börnunum en úr því rættist og komu 14 börn af 18 og stóðu sig glimrandi vel. Takk kærlega fyrir komuna allir þeir sem sáu sér fært um að koma.

Á föstudag komu séra Eðvarð og Sveinn Arnar organisti í aðventustund í salinn til okkar.

 Vikan 28 nóv – 2 des

Þessa viku hefur verið mikið að gera hjá okkur.Vinavikan byrjaði á mánudag. Hnúkur var okkar vinadeild og byrjuðum við á því að hittast í salnum. Hvert barn af Hnúki valdi sér vin af Jaðri. Í salnum sungum við og dönsuðum saman í hring. Enduðum svo samveruna á því að kveikja  á kerti og syngja. miðv, þri, fim, skiptumst við á að heimsækja vinadeildina okkar og leika. Við föndruðum köngla- jólasveina og gáfum Hnúk í lok vikunnar ásamt 1 smáköku á barn.  Hnúkur gaf okkur fallega kertakrukku úr þæfðri ull í vinagjöf.

Á mánudaginn kom fyrsti snjórinn og það var mjög gaman að renna sér í snjónum, moka og borða hann.

Við bökuðum líka súkkulaðibitakökur sem við ætlum að bjóða upp á  eftir jólaskemmtunina á fimmtudaginn.

Á þriðjudaginn bauð foreldrafélagið okkur upp á leiksýninguna: Strákurinn sem týndi jólunum.

Á föstudaginn var svo aðventustund hjá okkur þar sem við kveiktum á 2 kertinu og sungum jólalög.

Vikan 21 – 25 nóvember

Við þökkum öllum sem komu á Opið hús fyrir komuna og áttu með okkur skemmtilega- og notalega stund við jólaföndur.

Afraksturinn , jólatréin sem nú prýða Jaðar eru alveg frábær.

Þessa viku erum við búin að vera með listasmiðjuna og höfum við notað hana alveg óspart og útbúið allskonar jólaföndur.

 Í næstu viku er vinavika í Vallarseli bæði meðal barnanna og starfsmannahópsins. Hefðbundið hópastarf fellur niður þessa viku, en við höfum tónlistarstund á fimmtudaginn kl.10:30. Einnig verður leiksýning á þriðjudaginn í boði foreldrafélagsins þar sem sýnt verður leikritið strákurinn sem týndi jólunum.

 Jaðar og Hnúkur  verða vinadeildir og munu hittast á mánudaginn í salnun kl. 9:15

 og gera e.h. óvænt og skemmtilegt saman :)

Á þri. mið. og fim fer einn hópur af hvorri deild í heimsókn á vinadeildina ásamt starfsmanni 

og tekur þátt í leik og starfi þar frá kl. c.a. 9:00-10:30.

Á föstudag verður svo Aðventustund í salnum þar sem allar deildir leikskólans hittast og syngja saman jólalög.

Vikan 14 – 19 nóv.

Á miðvikudaginn þann 16 nóv var dagur íslenskrartungu og héldum við upp á hann. Við vorum með sameiginlega stund í salnum þar sem hver deild var búin að æfa ljóð eða þulu eftir Jónas Hallgrímsson. Jaðar og Skarð voru saman og fóru með þuluna buxur vesti brók og skór.

Á föstudaginn var ball í salnum þar sem allir á leikskólanum dönsuðu saman.

Vikan 7. Nóv – 14.nóv

Viktoría Emilia varð 2. ára 9.nóv og í tilefni af því bauð hún öllum upp á ís.

Við héldum áfram með framhaldslistaverkið okkar og máluðum með tánum. Fyrst stigum við í málningu og löbbuðum yfir blaðið. Það var gaman en sumir voru pínu hræddir við að stíga í málninguna og örfáir vildu ekki prófa. Það eru komnar myndir af þessu inn á myndasíðuna okkar. Allt annað var svo á sínum stað.

            tásumálning                                         Viktoría Emilia 2 ára 

Vikan 31. okt – 4. Nóv

Við fórum í gönguferð í Tónberg og lentum í miklu roki á leiðinni, við áttum í erfiðleikum með að komst fyrir hornið hjá versluninni Módel. En allt hafðist þetta nú samt. Þegar við vorum loksins komin á áfangastað fengum við að njóta mjög skemmtilegra tónleika þar sem elstu börnin sem eru á Lundi buðu okkur á generalprufu hjá sér. Við skemmtum okkur mjög vel og vorum öll stillt og sátum kyrr og hlustuðum.  Þessi gönguferð var semsagt hreyfistundin þessa viku.

Við gerðum sameiginlegt málverk á stórt blað. Fyrst lituðum við á blaðið og fengum svo að vatnslita og kannski gerum við eitthvað meir í næstu viku. Þetta er svona framhaldslistaverk.

Lagt af stað Tónberg og komin þangað

Unnið að sameiginlega listaverkinu

Vikan 24. – 28 okt

Í þessari viku var allt dagskipulag á sínum stað. Á fimmtudag var alþjóðlegi bangsadagurinn og komu börnin með bangsana sína í leikskólann. Þau léku sér með bangsana allan daginn og þeir fengu að fara með okkur í tónlist og var það mjög gaman.

Á föstudaginn í samsöng vorum við með atriði fyrir hinar deildarnar. Við sungum og dönsuðum fyrir þau. Við vorum ofsalega dugleg og stóðum okkur frábærlega.

Rakel Sara verður 2 ára á morgun og hélt hún upp á afmælið sitt í dag föstudag. Hún bauð upp á ís í tilefni dagsins. Takk kærlega fyrir okkur.

                                                                    Bangsadagurinn                                                                   Tónlistartími

Atriði í salnum                                                                           Rakel Sara 2 ára

Vikan 17 – 21 okt

Þessa vikuna voru starfsmannabreytingar hjá okkur. Til okkar er komin  Margrét Helga Jóhannsdóttir og verður hún í vinnu frá 8 – 14. Við bjóðum hana innilega velkomna til okkar. Þar sem Magga er hjá okkur þá kemur Drífa ekki lengur til okkar.

Vikan hefur gengið vel og allt starf með hefðbundnu sniði. Á mánudag fóru hvolpahópur og fiðrildahópur í hópastarf. Fiðrildahópurinn leiraði og hvolpahópurinn lék sér með stóra kubba. Kisuhópur var í könnunarleik.

 Á þriðjudag var hreyfistund þar sem við vorum með þrautabraut og eru myndir af því á myndasíðunni.

Á miðvikudag voru hvolparnir og fiðrildin í könnunarleik og kisuhópur var að leira og lesa.

Á fimmtudag var svo tónlistartíminn á sínu stað.

Á föstudag var samsöngur.

Við erum líka dugleg að fara í útiveru og sumir fara stundum tvisvar á dag í útiveru.

Kveðja  Hrefna, Stína, Heiða, Rikka og Magga

Krakkarnir á Jaðri í frjálsum leik.

Vikan 10. – 14 okt.

Við erum með listasmiðjuna þessa viku í fyrsta sinn þennan veturinn og fannst okkur ekki leiðinlegt að fá að mála með allskonar efnivið og föndra ýmislegt. Við máluðum með málningu og stipluðum á blað. Við máluðum líka með Royal búðing og notuðum fingurna sem pensla. Sumir voru duglegir að mála með fingrunum en aðrir duglegri við að setja upp í munn.

Við fórum líka í fyrstu gönguferðina okkar. Hún gekk mjög vel og allir voru í gulum vestum og héldu í band. Gönguferðin gekk mjög vel og allir voru duglegir að ganga og þeim fannst svakalega spennandi að fara út fyrir hliðið.

Ester Guðrún varð 2 ára þann 9 okt og hélt upp á afmælið sitt föstudaginn 8. okt þar sem var sungið fyrir hana í salnum ásamt öðrum afmælisbörnum vikunnar. Svo var farið inn á deild þar sem Ester bauð öllum upp á ís.

Vikan 26 sept - 6 okt

Í þessari viku var starfsemin með hefðbundu sniði. Á mánudag féll hópastarf og könnunarleikur niður. Í hreyfistund lékum við okkur með fallhlífina og það fannst okkur ofsalega gaman. hópastarf og könnunarleikur voru á sínum stað á miðvikudag og tónlistin á fimmtudag.

Í tilefni alþjóðlega skólamjólkurdagsins 28. sept. s.l. fengum við senda "skólamjólk" í 1/4 líters fernum fyrir alla nemendur leikskólans.  Á Íslandi er haldið upp á daginn undir kjörorðunum "Holl mjólk og heilbrigðir krakkar".  Með deginum vill fræðslunefnd mjólkuriðnaðarins vekja athygli barna, foreldra og starfsfólks á mikilvægi mjólkur í daglegu fæði barna.  Það fannst öllum mikil "sport" að drekka mjólk úr fernu með röri í hádegismatnum þennan dag.  Síðan skoluðum við fernurnar og ætlum að föndra með þær við tækifæri.  Það er alveg ótrúlegt hvað hægt er að búa til úr verðlausum efnivið.

Vikan 20.- 26 sept.

Í Þessari viku byrjuðu aðlögunarviðtölin hjá okkur. Búið er að ræða við flesta foreldra sem byrjuðu með ný börn í ágúst.

Viðtöl með túlki verða í þessari og næstu viku og síðustu viðtölin verða vikuna 10 - 14 okt.

Við erum enn mjög dugleg að fara í útiveru og flestir fara út tvisvar á dag.

Í hreyfistund í morgun 26.sept vorum við að leika okkur með fallhlíf og setjum nokkrar myndir af því á myndasíðuna.

Vikan 13. - 19. Sept. 

Það er alltaf nóg að gera hjá okkur í skipulagða starfinu. Allir eru mjög dulgegir að taka þátt og vera með í því sem við erum að gera. Þessi vika hefur bara verið með hefðbundnu sniði. í næstu viku byrjum við á aðlögunarviðtölum.

Vikan 5.sept -12.sept

 Sú breyting varð í þessari viku að Magga kemur ekki lengur inn á deild til okkar en Drífa Sjöfn Hákonardóttir kemur f.h á miðvikudögum.

Það er búið að vera mikið um að vera hjá okkur þessa viku. Allir hópar eru búnir að fara í könnunarleik,hópastarf,hreyfingu, tónlist og samsöng.

Þann 8 sept varð Viktor 2 ára og bauð upp á snakk og kex í tilefni dagsins. Svo var sungið fyrir hann og öll hin afmælisbörn vikunnar í samsöng á föstudaginn.

Það eru komnar nokkrar nýjar myndir inn í myndasíðuna.

 Vikan 29.sept - 5. sept 

Christian Darri varð 2. ára á föstudaginn 2.sept og bauð upp á ís og snakka í tilefni dagsins. 

Nú eru öll börnin komin á deildina og  verða þau duglegri með hverjum deginum. 

Í morgun 5.sept byrjuðum við í hópastarfi. Fiðrilda og hvolpahópur fóru í könnunarleik og kisuhópur las og teiknaði. 

Við höfum verið mjög dugleg að nýta góða veðrið til útiveru.

17. ágúst.

Í dag hélt Kolbrún Þóra upp á tveggja ára afmælið sitt.  Hún bauð upp á snakk í tilefni dagsins.  Við óskum henni til hamingju með daginn og þökkum kærlega fyrir okkur.

Þessar vikurnar erum við í aðlögun og gengur hún mjög vel. Það eru mjög flottir og duglegir krakkar að byrja hjá okkur núna.

Kær kveðja.

Hrefna, Stína, Heiða og Rikka.